Mikroavtobus "KamAZ"la toqquşdu: azyaşlı həlak olub

Beyləqan rayonunda ölümlə nəticələnən yol qəzası baş verib. Avtosfer.az-ın "Report"a istinadən verdiyi məlumata görə, hadisə Aşıqalılar kəndində qeydə alınıb. "Ford" markalı mikroavtobus yol kənarında dayanan "KamAZ" markalı yük avtomobili ilə toqquşub. Nəticədə mikroavtobusda olan 4 yaşlı oğlan ölüb. Onun şəxsiyyəti hələlik müəyyənləşməyib. Faktla bağlı Beyləqan rayon Polis Şöbəsində araşdırma aparılır.