Minik avtomobili körpüdən asılı qaldı: 4 yaralı - FOTO

Türkiyənin Karabük vilayətində idarəetmədən çıxan minik avtomobili körpüdən asılı qalıb. Avtosfer.az yerli mətbuata istinadən xəbər verir ki, insident Karabük-Əskibazar D-755 trasının Cumayanı kəndi istiqamətindən keçən hissəsində qeydə alınıb.

Məlumata görə, 78 BT 595 dövlət qeydiyyat nişanlı minik avtomobili sürücünün idarəetməsindən çıxaraq körpünün dəmir arakəsmələrinə çırpılıb.

Arakəsmələri qıran avtomobil körpüdən asılı qalıb. Nəticədə 4 nəfər xəsarət alıb.

Yaralılar hadisə yerinə gələn təcili tibbi yardım maşınları ilə xəstəxanaya aparılıb.

Polis qəza ilə bağlı araşdırmalara başlayıb.

Namiq