Minik maşını aşdı: xəsarət alanlar var

Şamaxı rayonunda ağır yol-nəqliyyat hadisəsi baş verib.  Avtosfer.az-ın "Report"a istinadən məlumatına görə, hadisə Şamaxı-Padarçöl yolunun 45-ci kilometrliyində qeydə alınıb. Belə ki, Padarçöl istiqamətində hərəkətdə olan "NİSSAN" markalı minik maşını idarəetməni itirərək  yoldan çıxıb və avtomobil aşıb. Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkim briqadası cəlb olunub. Hadisə zamanı ağı bədən xəsarətləri alan bir qadın və bir kişi "təcili yardım" maşını ilə Şamaxı Rayon Mərkəzi Xəstəxansına çatdırılıb. Şəxsiyyətləri hələlik məlum olmyana qadın və kişinin vəziyyətinin ağır olduğu bildirilir.

Faktla bağlı araşdırma aparılır.