Miqrantları daşıyan yük maşını aşdı: 25 ölü, 30 yaralı

Meksikada Mərkəzi Amerika ölkələrindən olan miqrantları daşıyan yük maşınının aşması nəticəsində 25 nəfər ölüb və təxminən, 30 nəfər yaralanıb. Avtosfer.az "Report"a istinadən xəbər verir ki, bu barədə Çiapas ştatının Baş Prokurorluğundan məlumat verilib.

Qəza Qvatemala ilə sərhəd yaxınlığında yerləşən Soyalo bələdiyyəsinin ərazisində baş verib. Nömrə nişanı olmadan hərəkət edən yük avtomobilinin sürücüsünün idarəetməni itirdiyi və yoldan çıxdığı bildirilir.

Hadisənin başvermə səbəbləri ilə bağlı istintaq aparılır.