Oğuzda avtomobil aşdı: ölən və yaralananlar var - FOTO

Oğuz rayonunda ölümlə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə bu gün rayonun Yaqublu kəndi ərazisində qeydə alınıb. Belə ki, idarəetmədən çıxan "VAZ-2107" markalı 48-BE-233 dövlət qeydiyyat nişanlı avtomobil aşıb. Hadisə şahidlərinin verdiyi məlumata görə, avtomobildə 5 nəfər olub. Onlardan birinin öldüyü bildirilir. Yaralanan şəxslər isə Şəki rayon Mərkəzi Xəstəxanasına çatdırılıb.