Orduya məxsus zirehli maşın qəzaya uğrayıb

Çexiyada ABŞ ordusuna məxsus zirehli maşın qəzaya uğrayıb. Avtosfer.az “TASS”a istinadən xəbər verir ki, insident Brno və Brjeçlav şəhərləri arasında yerləşən avtomagistral yolda qeydə alınıb. Çex polisinin rəsmisi Boqumila Malaşekanın sözlərinə görə, zirehli maşına yük avtomobili çırpılıb. Qəzaya yük avtomobilinin sürücüsünün yol hərəkəti qaydalarına riayət etməməsi səbəb olub.

Nəticədə xəsarət alan olmayıb. Hadisə araşdırıldıqdan sonra zirehli maşın yoluna davam edib.

Qeyd edək ki, qəza NATO-nun Macarıstanda və Rumıniyada keçirəcəyi hərbi təlimlərdə iştirak etmək üçün gedən hərbi texnikanın olduğu kolonda baş verib.

Namiq