Paytaxtda 3 nəfərin öldüyü, 8 nəfərin isə yaralandığı dəhşətli hadisə yerindən - VİDEO

İki gün əvvəl paytaxtın Xəzər rayonunda ağır-yol nəqliyyat hadisəsi baş verib. Hadisə nəticəsində 3 nəfər dünyasını dəyişib, 8 nəfər isə xəsarət alıb. Məlumata görə, hadisə Qala-Türkan yolunda qeydə alınıb. Sürətlə hərəkətdə olan minik avtomobilinin sürücüsü sükana nəzarəti itirib. Nəticədə avtomobil hərəkətdə olan digər nəqliyyat vasitəsinə çırpılıb.

Zərbənin təsirindən avtomobillər deformasiyaya uğrayıb. Qəza zamanı 63 yaşlı Qurban Əliyev, 13 yaşlı Amilə Lütfəlizadə və onun bacısı 16 yaşlı Zarina Lütfəlizadə həyatlarını itirib.

Hadisə yerinə Xəzər Rayon Polis İdarəsinin əməkdaşları cəlb olunub. Meyitlər müayinə olunması üçün Məhkəmə Tibbi Ekspetiziya və Potoloji Anatomiya Birliyinə gönfdərilib.

Əldə olunan məlumata görə, hadisəyə taksi fəaliyyəti ilə məşğul olan avtomobilin sürücüsü səbəb olub. O istintaqa ifadəsində həmin gün səhər saatlarından başlayaraq fasiləsiz taksi fəaliyyəti ilə məşğul olduğundan yorulduğunu və sükan arxasında yuxulayaraq qarşı hərəkət zolağına çıxdığını bildirib.

Daha ətraflı süjetdə: