Paytaxtda ağır qəza: ikinci qrup əlil piyadanı vurdu – VİDEO

Gecə saatlarında Bakıda metronun “Koroğlu” stansiyası yaxınlığında piyadanın vurulması ilə nəticələnən nəqliyyat hadisəsi baş verib.

Avtosfer.az Oxu.az-a istinadən xəbər verir ki, “VAZ-2107” markalı, 90 XF 122 dövlət nömrə nişanlı avtomobilin sürücüsü, 1981-ci il təvəllüdlü Zəkiyev Racı Mirbala oğlu yolu keçmək istəyən Musayev Həsən Asif oğlunu vurub.

Qəza nəticəsində H.Musayev ağır yaralanıb və təcili olaraq Sabunçu rayon 3 saylı Şəhər Klinik Xəstəxanasına çatdırılıb.

Ona açıq kəllə-beyin travması diaqnozu qoyulub. Hazırda vəziyyəti kafidir.

Qeyd edək ki, H.Musayev yaxınlıqda yeraltı piyada keçidi olduğu halda ondan istifadə etməyib və nəticədə, bu hadisə yaşanıb.

Sürücü Zəkiyev Racı ikinci qrup əlildir.