Pilot qəza tormozlaması etdi, təkərlər alışdı

Melburndan Əbu-Dabiyə uçan təyyarədə mümkün faciənin qarşısı 
alınıb. 

Avtosfer.az xəbər verir ki, start anında təyyarənin şassisində tüstüləmə barədə siqnal daxil olub. Gəmi komandiri yerdən aralanmağa hazırlaşan təyyarəni kəskin tormozlayıb. Hava gəmisini uçuş zolağının sonunda saxlamaq mümkün olub. Təyyarənin 2 təkərinin isə qəzadan əvvəl, yoxsa sonra alışdığını təyin etmək mümkün olmayıb.  
Təyyarənin məxsus olduğu Etihad Airways şirkəti bildirib ki, hadisəyə dərhal müdaxilə edilib, yanğın söndürülüb. Qəzada 289 sərnişinin heç biri zərər çəkməyib. Lakin onların bir neçəsi qorxub. Şirkət sərnişinləri mənzil başına başqa təyyarə ilə çatdırıb.

Vüqar