Piyadanı vuran avtomobil avtobus dayanacağına çırpıldı: Üç yaralı

Türkiyənin Antalya şəhərinin Alanya rayonunda avtomobil piyadanı vurduqdan sonra avtobus dayanacağına çırpılıb.

Avtosfer.az Türkiyə mediasına istinadən xəbər verir ki, avtomobil yolu keçmək istəyən piyadanı vurub. İdarəetmədən çıxan avtomobil daha sonra dayanacaqda avtobus gözləyən ər-arvada dəyib.

Qəza nəticəsində 3 nəfər yaralanıb. Yaralılardan birinin vəziyyətinin ağır olduğu bildirilib. Yaralılar xəstəxanaya yerləşdirilib, avtomobilin sürücüsü isə polis bölməsinə aparılıb.