Polis maşını 11 yaşlı velosipetçi qızı vurdu: azyaşlı reanimasiyaya yerləşdirilib - FOTO

Rusiyanın Sankt-Peterburq şəhərində polis maşını velosiped sürən qızı vurub.

Avtosfer.az xəbər verir ki, hadisə sentyabrın 18-də Nevski rayonunun Obuxovskaya Oborona prospekti ilə Şelqunov küçəsinin kəsişməsində baş verib.

Məlumata görə, Tosnenski rayonunun yol polisi əməkdaşlarının olduğu avtomobil, sayrışan işıqları yandırılmış və səsli siqnalla işıqforun qırmızı işığından keçib və bu zaman işıqforun yaşıl işığında hərəkətdə olan on bir yaşlı velosipedçi qızı vurub.

Qəza nəticəsində ağır xəsarətlər alan azyaşlı xəstəxanaya aparılıb. O, qapalı kəllə-beyin travması, beyin əzilməsi və beyin silkələnməsi ilə reanimasiyaya yerləşdirilib.

Faktla bağlı araşdırma aparılır.

Namiq Musayev