Polislərin olduğu avtobus aşdı: 13 yaralı

Türkiyənin Bitlis vilayətinin Adilcevaz rayonunda 20 polisin olduğu avtobus yolun buzlu olması səbəbindən sürücünün idarəetməsindən çıxaraq aşıb.

Avtosfer.az Türkiyə mətbuatına istinadən xəbər verir ki, qəza nəticəsində 13 nəfər xəsarət alıb.

Hadisə yerinə xilasetmə, tibb və polis əməkdaşları cəlb edilib.

Yaralılar təcili tibbi yardım maşınları ilə Adilcevaz Onkoloji Xəstəxanasına aparılıblar.

Onlardan 3-nün vəziyyəti ağır olduğu bildirilib.

Polis qəza ilə bağlı araşdırmalara başlayıb.

Namiq