Prospektdə ara məsafəsini gözləməyən diqqətsiz sürücü qəza törətdi - VİDEO

Paytaxtın Heydər Əliyev prospektində baş vermiş yol-nəqliyyat hadisəsi təhlükəsizlik kamerasına düşüb.

Avtosfer.az-ın məlumatına görə, qəzanın görüntüləri sosial şəbəkələrdə yayımlanıb. Belə ki, “Hyundai” markalı avtomobil ondan öndə hərəkət edən “BYD” markalı maşınla toqquşub. Videodan görünür ki, “Hyundai” sürücüsü düzgün ara məsafəsi saxlamadığı üçün qəza qaçılmaz olub. Eyni zamanda onun sükan arxasında diqqətsiz davranması qəzanın qarşısını almaq üçün son anda sağa manevr etməsinə səbəb olub. Xoşbəxtlikdən həmin zolaqda hərəkət edən “Mercedes” sürücüsü ehtiyatlı davranaraq təhlükədən xilas olub. Hadisə nəticəsində hər iki nəqliyyat vasitəsinə maddi ziyan dəyib.

Xatırladaq ki, sürücülər ara məsafəsini saxlayarkən avtomobilin sürətini və yol şəraitini nəzərə almalıdır. Standart qayda odur ki, avtomobilin sürətinə uyğun olaraq yolun 2–3 saniyəlik məsafəsi saxlanmalıdır. Yağış, buz və ya tıxac zamanı bu məsafə artırılmalıdır.

Eyni zamanda, sükan arxasında diqqət daim yolda və ətrafdakı avtomobillərdə olmalıdır. Telefon, səsli mesaj və ya digər diqqəti yayındıran hərəkətlər qəzanın əsas səbəblərindəndir.

Hər bir sürücü unutmamalıdır ki, ara məsafəsinə əməl etməmək və diqqətsizlik qanununvericiliyə əsasən, inzibati məsuliyyət doğurur.

Nərmin