Prospektdə velokuryer “Mercedes”ə çırpılıb yerə sərildi - REAL VİDEO

Paytaxtın Yasamal rayonu, Həsən bəy Zərdabi prospektində baş vermiş yol-nəqliyyat hadisəsi anbaan kameraya düşüb.

Avtosfer.az-ın məlumatına görə, hadisə oktyabrın 19-da saat 14:10 radələrində qeydə alınıb.

Görüntülərdən aydın olur ki, ən sağ zolaqla hərəkət edən “Wolt” çatdırılma şirkətinin kuryeri maşını yolun kənarında park etmək üçün sağa manevr edən “Mercedes” markalı avtomobillə toqquşub. Velosipedçinin qəzadan son anda yayınmağa çalışsa da, buna nail ola bilməyib. Nəticədə o, avtomobilə çırpılaraq yerə yıxılıb.

Qeyd edək ki, sürücülər sağa və ya sola manevr etməzdən əvvəl hərəkət istiqamətindəki digər nəqliyyat vasitələrinin, o cümlədən velosipedçilərin hərəkətinə maneə yaratmadıqlarına əmin olmalıdırlar. Velosipedçilər də yolda baş verən dəyişikliklərə vaxtında reaksiya verməli, baş verəcək toqquşmaların qarşısını almaq üçün diqqətli olmalıdırlar.

Nərmin