Qadın sürücülərin idarə etdiyi iki avtomobil toqquşub – FOTO

Sumqayıt şəhərində yol-nəqliyyat hadisəsi baş verib. Avtosfer.az-ın ONA-ya istinadən məlumatına görə, şəhərin Nəriman Nərimanov küçəsində yol ayrıcında iki avtomobil toqquşub. Belə ki, 90 CS 888 dövlət nömrə nişanlı, "Renault" markalı avtomobil qarşıdan gələn 90 PU 618 dövlət nömrə nişanlı, "Kia" markalı avtomobilə çırpılıb. Toqquşma nəticəsində "Renault" markalı avtomobilin sürücüsü, 31 yaşlı Şəlalə Məmmədova xəsarət alıb. Yaralı Sumqayıt şəhər Təcili Tibbi Yardım Xəstəxanasına yerləşdirilib. Onu da əlavə edək ki, qəzaya düşən digər avtomobilin sürücüsü də qadın olub. Faktla bağlı araşdırma aparılır.