Qarabağ yolunda ağır qəzalar: 16 yaralı, 1 ölü - FOTO

Ermənistanın Geqarkunski vilayətində ağır yol nəqliyyat hadisəsi baş verib. Avtosfer.az musavat.com-a istinadən xəbər verir ki, hadisə İrəvandan işğal altındakı Azərbaycan ərazilərinə çəkilən yolun, İrəvan-Xocavənd magistralının 28-ci km-liyində baş verib. Bu gün saat 15.00 radələrində baş verən qəzada “Mersedes” və “Nissan” toqquşub.

Nəticədə 9 nəfər xəsarət alıb, onlardan 4-ü uşaqdır. Yaralılar tibb məntəqəsinə yerləşdirilib. Qeyd edək ki, ötən gecə yarısı Kəlbəcər yolunda da ağır qəza baş verib. Nəticədə Ermənistan Müdafiə Nazirliyinin hissə komandirinin mavini, İrəvandan olan Tatul Sərkisyan və daha 6 nəfər yaralanıb.