Qaradağda “Nissan” işıq dirəyinə çırpıldı, qadın sürücünün beli sındı - VİDEO

Paytaxtın Qaradağ rayonu, Lökbatan qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza aprelin 23-də səhər saatlarında qeydə alınıb. Belə ki, hərəkətdə olan 77-RF-193 dövlət nömrə nişanlı “Nissan” markalı avtomobil yoldan çıxaraq qəzaya uğrayıb. Şahidlərin iddiasına əsasən, qəzaya səbəb sürücünün anidən idarəetməni itirməsi olub. Nəticədə o, maşını işıq dirəyinə vuraraq su kanalına aşırmaqdan son anda yayınıb. Hadisə zamanı nəqliyyat vasitəsi yararsız hala düşüb, sürücüsü - Günay adlı şəxs isə belindən ağır xəsarət alıb. Yaralı yaxınlıqdakı xəstəxanaya yerləşdirilib. 

Qeyd edək ki, faktla bağlı araşdırma aparılır.  

Nərmin