Qatar relsdən çıxaraq aşdı: 6 nəfər itkin düşüb

Çinin “Aluminum Corporation of China” (Chalco) dövlət alüminium şirkətinə məxsus yük qatarı Henan əyalətində relsdən çıxıb. Hadisə nəticəsində 6 nəfər itkin düşüb. Avtosfer.az-ın ONA-ya istinadən verdiyi xəbərə görə, bu barədə Qonqyi şəhər rəhbərliyi açıqlama yayıb. Hadisə yerli vaxtla saat 22:00-da Çjençjou dairəsinin Qonqyi şəhərində baş verib. Hələlik məlum olmayan səbəbdən qatar relsdən çıxaraq, kəndlilərə məxsus bir evin üstünə aşıb. Hələlik bilinən odur ki, itkin düşənlərdən dördü qatarda olub, digər iki nəfər isə ətraf sakinlər imiş. Hadisə yerinə xilasedicilər, polis qüvvələri və təcili tibbi yardım xidməti ilə yanaşı, “Chalco” şirkətinin nümayəndələri gəlib.