Qatar relsdən çıxdı: 24 ölü, 31 yaralı

Konqo Demokratik Republikasında qatarın relsdən çıxması nəticəsində 24 nəfər ölüb. Avtosfer.az-ın Trend-ə istinadən məlumatına görə, Kasai vilayətində baş verən hadisə nəticəsində daha 31 nəfər yaralanıb.

KİV-lər qeyd edir ki, sərnişinlərin əksəriyyəti qatarda qeyri-qanuni hərəkət edirdi. Ölənlər arasında uşaqların olduğu da bildirilir.

AFP agentliyi bildirir ki, hadisə nəticəsində bir neçə vaqon aşıb, daha bir neçəsi isə körpüdən çaya düşüb.

Hadisənin səbəbləri məlum deyil.