Qayda pozan qadın sürücü qəza törətdi – Bayker öldü - VİDEO

Qaydan pozan qadın sürücü ölümlə nəticələnən ağır yol-nəqliyyat hadisəsi törədib. Avtosfer.az xəbər verir ki, Rusiyanın Krasnoyarsk yaxınlığında baş verən hadisə kameraya düşüb. 50 yaşlı qadın sürücü idarə etdiyi avtomobillə sola dönməyə cəhd edərkən qarşıdan gələn motosikletə yol verməyib. Nəticədə yüksək sürətlə hərəkət edən motosiklet avtomobillə toqquşub. Qəza nəticəsində 36 yaşlı bayker aldığı ağır xəsarətlərdən hadisə yerindəcə dünyasını dəyişib.
Avtomobili idarə edən qadın və onun 10 yaşlı oğlu müxtəlif dərəcəli bədən xəsarətləri ilə xəstəxanaya yerləşdiriliblər.
Hazırda hüquq-mühafizə orqanları hadisə ilə bağlı araşdırma aparır, qəzanın dəqiq səbəbləri müəyyənləşdirilir.
Sözügedən hadisənin anbaan videosunu təqdim edirik:

Namiq Musayev