Qazaxda iki minik avtomobili toqquşub, üç nəfər ölüb - YENİLƏNİB

Qazaxda ağır qəzada “Opel” markalı minik avtomobilinin sürücüsü 1968-ci il təvəllüdlü M.İbrahimov, onun sərnişinləri - 1958-ci il təvəllüdlü S.Mustafayeva və 1953-ci il təvəllüdlü F.Mustafayev ölüb.

Avtosfer.az APA-ya istinadla xəbər verir ki, qəza nəticəsində “Mercedes” markalı minik avtomobilinin sürücüsü 1997-ci il Ş.Mustafayev xəsarət alaraq xəstəxanaya yerləşdirilib.

***

Qazax rayonunda ölümlə nəticələnən ağır yol-nəqliyyat hadisəsi baş verib.

Avtosfer.az Teleqraf.az-a istinadla xəbər verir ki, hadisə rayonun Xanlıqlar kəndi ərazisindən keçən avtomobil yolunda qeydə alınıb.

Məlumata görə, "Mercedes" və "Opel" markalı minik avtomobilləri toqquşub. İlkin məlumata əsasən, qəza nəticəsində iki nəfər həlak olub.

Hadisə yerinə aidiyyəti qurumların əməkdaşları cəlb olunub. Qəza zamanı ölənlərin şəxsiyyəti və hadisənin başvermə səbəbləri dəqiqləşdirilir.