Qazaxda maşın ağaca çırpılıb, ölən və xəsarət alan var

Qazax şəhərində ölümlə nəticələnən yol qəzası baş verib. Avtosfer.az-ın "Report"a istinadən məlumatına görə, şəhərin Heydər Əliyev prospektində ilə hərəkətdə olan "VAZ-21011" markalı avtomobilin ağaca çırpılması nəticəsində, nəqliyyat vasitəsində olan 1997-ci il təvəllüdlü Məmmədov Elmir Arif oğlu ölüb, onun həmyaşıdı Hüseynov Roman Kamran oğlu isə ağır xəsarət alıb. Yaralı xəstəxanaya yerləşdirilib və hazırda müalicəsi reanimasiya şöbəsində davam etdirilir. Faktla bağlı araşdırma aparılır.