Qəbələdə ağır yol qəzası - Ölən və yaralananlar var

Qəbələ rayonunda ağır yol qəzası baş verib. Avtosfer.az-ın Trend-ə istinadən məlumatına görə, hadisə Qaraməryəm-İsmayıllı-Şəki avtomobil yolunun 51-ci kilometrliyində, Qəbələ rayonunun Bunud kəndi ərazisində baş verib. 1996-cı il təvəllüdlü Abbasov Murad Aydın oğlunun idarə etdiyi BMW markalı avtomobil qarşıdan gələn, 1985-ci il təvəllüdlü Xəlilov Emin Qulfəddin oğlunun idarə etdiyi “VAZ 2106 markalı avtomobillə toqquşub.

Hadisə nəticəsində VAZ 2106 markalı avtomobildə olan sərnişin, 1977-ci il təvəllüdlü Vəliyev Ceyhun Yaramməd oğlu hadisə yerində ölüb, hər iki sürücü və sərnişin Osmanlı İlkin Heydər oğlu müxtəlif bədən xəsarətləri ilə xəstəxanaya yerləşdirilib.

Faktla bağlı cinayət işi başlanıb.