Qəbələdə yol qəzası: ölən və xəsarət alanlar var

Qəbələ rayonunda ölümlə nəticələnən yol qəzası baş verib. Avtosfer.az-ın "Report"a istinadən məlumatına görə, iki minik avtomobili toqquşub. Qəza nəticəsində sürücülərdən biri hadisə yerində dünyasını dəyişib. Digər avtomobilin sürücüsü və iki sərnişin ağır xəsarət alıb. Yaralılar Qəbələ rayon Mərkəzi Xəstəxanasına yerləşdirilib. Zərbənin təsirindən hər iki avtomobil yararsız hala düşüb. Faktla bağlı araşdırma aparılır.