Qəzaya düşən maşının ortasına dəmir məhəccər girdi, sürücü sağ çıxdı - FOTO

Türkiyənin Əskişəhər şəhərində qeyri-adi qəza baş verib. 

Avtosfer.az xəbər verir ki, Əskişəhər-Kütahya avtomobil yolunun Ömür ərazisində hərəkətdə olan “Tesla” markalı, 26-UD-110 nömrə nişanlı avtomobil güclü yağış səbəbindən yaş yolda sürücünün idarəetməni itirməsi nəticəsində yoldan çıxaraq maneəyə çırpılıb.

Hadisə zamanı avtomobil yol kənarındakı dəmir məhəccərə çırpılıb və zərbənin gücündən maneə maşının bir qapısından girərək digər tərəfindən çıxıb. Bu isə ətrafdakıların “belə qəza heç vaxt görülməyib” sözləri ilə ifadə etdiyi qorxulu mənzərə yaradıb.

Qəzadan sonra hadisə yerinə polis əməkdaşları cəlb olunub. Avtomobilə ciddi maddi ziyan dəysə də, sürücünün səhhətinin yaxşı olduğu bildirilib. Faktla bağlı araşdırmalara başlanılıb.

Eltac Zülfüqaroğlu