Qubada iki avtomobil toqquşub – FOTO

Qubada iki avtomobil toqquşub.  Avtosfer.az-ın "Report"a istinadən verdiyi məlumata görə, hadisə Quba-Qonaqkənd yolunun Təngəaltı kəndi ərazisindən keçən hissəsində baş verib.  Belə ki, Rəngidar kənd sakini Ramil İmaməddin oğlu Adilovun idarə etdiyi "UAZ" markalı 40-BL-291 dövlət nömrə nişanlı avtomobil, Rustov kənd sakini Seymur Sabir oğlu Nuriyevin idarə etdiyi "NIVA" markalı 40-BN-412 dövlət nömrə nişanlı avtomobillə toqquşub. Hadisə nəticəsində xəsarət alan olmasa da avtomobillərə ciddi ziyan dəyib. Qeyd edək ki, hadisə səbəbindən yolda bir müddət nəqliyyatın hərəkəti dayanıb.

Faktla bağlı araşdırma aparılır.