"Range Rover" iki iribuynuzlu heyvanı vurub - Saatlıda

Saatlı rayonunda yol qəzası baş verib. Avtosfer.az-ın "Report"a istinadən məlumatına görə, hadisə Hacıqabul-Horadiz avtomobil yolunun 64-cü km-də, Saatlının Potubəyli kəndindən keçən hissəsində olub. "Range Rover" markalı minik avtomobili qəza zamanı iki baş iribuynuzlu heyvanı vuraraq öldürüb, avtomobil isə yararsız hala düşüb. Fakt araşdırılır.