“Renault” “KamAZ”la toqquşdu: 3 qadın yanaraq öldü - FOTO

Rusiyanın Orenburq əyalətində minik avtomobilinin “KamAz”la toqquşması nəticəsində 3 nəfər ölüb 2 nəfər isə xəsarət alıb.

Avtosfer.az yerli mətbuata istinadən xəbər verir ki, insident Buzuluk-Proskurino trasında qeydə alınıb. DİN Regional qrupundan verilən məlumata görə, “Renault Sandero” və “KamAZ” markalı nəqliyyat vasitələri toqquşub. Qəzanın şiddətindən minik avtomobili yanıb. Nəticədə avtomobildə olan 3 qadın yanaraq hadisə yerində ölüb. Yük maşınında isə sürücü və sərnişini xəsarətlər alaraq xəstəxanaya yerləşdirilib.

İlkin məlumatlara görə, qəza “KamAZ”ın qarşı yola çıxması səbəbindən baş verib.

Polis qəza ilə bağlı araşdırmalara başlayıb.

Namiq