Rusiya vətəndaşları Siyəzəndə qəzaya düşüblər

Bu gün səhər saatlarında Bakı-Quba yolunda yol nəqliyyat hadisəsi qeydə alınıb. Avtosfer.az-ın APA-ya istinadən verdiyi məlumata görə, Rusiya vətəndaşı Sabir Quliyev idarə etdiyi “VAZ-2109” markalı avtomobil “KamAZ”la toqquşub. Qəza nəticəsində minik maşınında olan, sürücünün həyat yoldaşı, 1965-ci il təvəllüdlü Yaqut Quliyeva və qızı, 1998-ci il təvəllüdlü İlahə Quliyeva xəsarət alıblar. Hər iki şəxs Siyəzən Regional Diaqnostika Mərkəzinə yerləşdirilib. Faktla bağlı araşdırmalar aparılır.