Rusiyada hava limanında təyyarə maşınla toqquşub

Rusiyanın Maqadan vilayətinin hava limanında təyyarə maşınla toqquşub.

Avtosfer.az xəbər verir ki, bu barədə Maqadanın Nəqliyyat Prokurorluğu məlumat yayıb.

Bildirilib ki, Maqadan hava limanında təyyarələrin dayanacağında "Maqadan Hava Limanı" ASC-nin xüsusi iaşə maşını Maqadan-Keperveem marşrutu üzrə havaya qalxmağa hazırlaşan "İrAero" aviaşirkətinin AN-24 təyyarəsi ilə toqquşub. Toqquşma nəticəsində təyyarənin sol qanadı zədələnib. Sərnişinlər ehtiyat təyyarə ilə təyinat yerinə yola salınıb.

Faktla bağlı araşdırma aparılır.

apa