Rusiyada yol qəzası nəticəsində 12 nəfər ölüb

Rusiyanın Arxangelsk vilayətində yük avtomobili, mikroavtobus və minik avtomobilinin toqquşması nəticəsində ilkin məlumata görə, 12 nəfər ölüb.

Bu barədə TASS-a Rusiya Fövqəladə Hallar Nazirliyinin Arxangelsk vilayəti üzrə Baş İdarəsindən məlumat verilib.

“Üç avtomobil – “KamAZ” markalı yük maşını, mikroavtobus və minik avtomobili toqquşub. Hadisə nəticəsində 12 nəfər ölüb”, – məlumatda bildirilib.

Qəza Primorsk və Xolmoqorsk rayonlarının sərhədində baş verib.