Saatlıda motosiklet aşdı: xəsarət alan var

Saatlıda 3 təkərli motosiklet aşıb. Avtosfer.az-ın APA-ya istinadən məlumatına görə, nəticədə rayonun Dədə Qorqud kənd sakini, 1958-ci il təvəllüdlü Rüstəmova Həcər Feyruz qızı xəsarət alıb. Yaralı əvvəlcə Saatlı rayon xəstəxanasına yerləşdirilib. Daha sonra Şirvan Mərkəzi şəhər Xəstəxanasının travmatologiya şöbəsinə köçürülüb. Qeyd edilir ki, motosikleti idarə edən şəxs xəsarət alan qadının oğlu olub. Faktla bağlı Saatlı rayon polis şöbəsində araşdırma aparılır.