Sabirabadda yol qəzası: ata və oğlu xəsarət alıb

Sabirabad rayonunda yol qəzası baş verib. Avtosfer.az-ın “Report”a istinadən məlumatna görə, hadisə rayonun Türkədi kəndində qeydə alınıb. Belə ki, həmin kəndin sakini, 1988-ci il təvəllüdlü Vilayət Vaqif oğlu Ağayevin idarə etdiyi “KİA SERATO” markalı avtomobil yoldan çıxaraq aşıb. Nəticədə sürücü və avtomobildə olan oğlu, 2013-cü il təvəllüdlü Tural Ağayev müxtəlif dərəcəli bədən xəsarətləri ilə Sabirabad Rayon Mərkəzi Xəstəxanasına yerləşdirilib. Sürücünün vəziyyəti ağır olduğundan Bakı şəhərindəki xəstəxanalardan birinə yola salınıb.

Faktla bağlı araşdırma aparılır.