Şabranda iki yük maşını toqquşub

Gəndov-Yalama avtomobil yolunda “KamAZ” və “Mercedes” markalı yük avtomobilləri toqquşub. Avtosfer.az Azərtac-a istinadən xəbər verir ki, yolun Şabran rayonunun Söhbətli kəndi ərazisindən keçən hissəsində əks istiqamətdə hərəkətdə olan yük maşınlarının toqquşması nəticəsində qumla dolu “KamAZ” dərəyə aşıb.

Qəza zamanı avtomobillərə ciddi ziyan dəysə də, sürücülər xəsarət almayıb.

Faktla bağlı araşdırma aparılır.