Sabunçuda 2 maşın toqquşdu: 2 yaralı

Kürdəxanı dairəsində baş verən qəza zamanı İlqar adlı şəxsin idarə etdiyi "VAZ 21012" markalı minik avtomobili ilə Cavid adlı şəxsin idarə etdiyi "Volkswagen Passat" markalı maşın toqquşub. Avtosfer.az APA-ya istinadən xəbər verir ki, ilkin məlumata görə, hadisə "Volkswagen"-in geriyə dönmə əməliyyatını düzgün yerinə yetirməməsi səbəbindən baş verib.  Qəza zamanı "VAZ 21012"-də olan sürücü İlqar və onun həyat yoldaşı Səbinə adlı xanım xəsarət alıb. Yaralılar təcili olaraq 3 saylı Klinik Tibbi Mərkəzə çatdırılıb. Onlara ilkin tibbi yardım göstərilib. Faktla bağlı araşdırma aparılır.