Sabunçuda iki avtomobil toqquşdu: bir nəfər xəsarət alıb - FOTO

Bakının Sabunçu rayonu ərazisində yol qəzası baş verib. Avtosfer.az-ın ONA-ya istinadən məlumatına görə, qəza Ramana-450 qəsəbəsində (Şuşa şəhərciyi) qeydə alınıb.

İki minik avtomobili yol ayrıcında toqquşub. Zərbənin təsirindən avtomobillərdən biri işıq dirəyinə dəyərək, dirəyi aşırıb.
Qəzada bir nəfər xəsarət alıb. Hadisə yerinə təcili tibbi yardım briqadası cəlb olunub, xəsarət alan şəxs xəstəxanaya çatdırılıb.

Faktla bağlı araşdırma aparılır.