Sahil stansiyası yaxınlığında maşın piyadanı vurub

Bakının mərkəzində yaşlı kişini maşın vurub. Avtosfer.az-ın ONA-ya istinadən məlumatına görə, hadisə Səbail rayonunda, metronun Sahil stansiyasının yaxınlığında baş verib.

1944-cü il təvəllüdlü Məsimov Sabir Məhəmməd oğlu yolun piyadalar üçün müəyyən edilməmiş hissəsindən keçərkən onu “Hyundai” markalı minik avtomobili vurub.

Hadisəni törədən sürücü yaralını xəstəxanaya yerləşdirib.

Faktla bağlı Səbail Rayon Polis İdarəsinə məlumat verilib.