Şamaxının keçmiş icra başçısı qəzaya düşdü

Şamaxının keçmiş icra başçısı qəzaya düşüb. Avtosfer.az-ın Oxu.az-a istinadən xəbərinə görə, hadisə Şamaxı-Pirqulu yolunda qeydə alınıb. Sürücü idarəetməni itirib və yoldan çıxan avtomobil dərəyə yuvarlanıb. Qəza zamanı avtomobilin sürücüsü Akif Əliyev xəsarət alıb. Yaralı Şamaxı Rayon Mərkəzi Xəstəxanasına aparılıb. Faktla bağlı araşdırma aparılır.

Qeyd edək ki, A.Əliyev 2000-2004-cü illərdə Şamaxı rayonunun İcra Hakimiyyəti başçısı vəzifəsində çalışıb.