Saratovda qəza: azərbaycanlılar yaralandı

Saratov vilayətinin Petrovsk rayonunda azərbaycanlıların olduğu “Mercedes” furqon banlı avtomobil dərəyə yuvarlanıb. Avtosfer.az-ın Oxu.az-a istinadən məlumatına görə, qəza zamanı üç nəfər yaralanıb. Onlar Azərbaycan vətəndaşlarıdır. Məlumata görə, hadisəyə səbəb 51 yaşlı sürücünün idarəetməni itirməsi olub. Qəza zamanı 38 yaşlı kişi, 51 və 61 yaşlı iki qadın xəsarət alıb. Yaralılar yaxınlıqdakı xəstəxanaya çatdırılıb.