Səbaildə “Toyota” yük maşınına çırpıldı – Sıxlıq yarandı - VİDEO

Paytaxtın Səbail rayonunda yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 17-də saat 08:50 radələrində Mikayıl Useynov küçəsində qeydə alınıb.

Belə ki, 77-TD-638 dövlət qeydiyyat nişanlı “Toyota” markalı avtomobil hərəkətdə olarkən 99-JG-385 dövlət qeydiyyat nişanlı “Mercedes” markalı yük maşını ilə toqquşub.

İlkin məlumata görə, hadisə “Toyota”nın sürücüsünün yük maşınına məhəl qoymadan sol zolağa manevr etməsi nəticəsində baş verib.

Qəza zamanı hər iki nəqliyyat vasitəsinə maddi ziyan dəyib.

Hadisədən sonra yolda bir müddət sıxlıq yaranıb.

Faktla bağlı araşdırma aparılır.

Nərmin