Şəkidə avtomobil aşdı: sürücü xəsarət alıb

Şəki rayonunda yol qəzası baş verib. Avtosfer.az-ın "Report"a istinadən məlumatına görə, hadisə səhər saatlarında rayonun Baltalı kəndi ərazisində qeydə alınıb. Belə ki, həmin kəndin sakini, 61 yaşlı Mürvət Əsədovun idarə etdiyi minik avtomobili yoldan çıxaraq aşıb. Nəticədə sürücü müxtəlif dərəcəli bədən xəsarətləri ilə Şəki Rayon Mərkəzi Xəstəxanasına çatdırılıb. Ona döş qəfəsinin küt travması diaqnozu qoyulub, vəziyyəti orta-ağır olaraq qiymətləndirilir. Faktla bağlı araşdırma aparılır.