Şəkidə maşınlar toqquşdu - Bir ailənin 4 üzvü yaralandı - VİDEO - YENİLƏNİB

Şəkidə baş verən yol-nəqliyyat hadisəsində xəsarət alan şəxsin vəziyyəti açıqlanıb.

Avtosfer.az xəbər verir ki, bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, sentyabrın 23-ü saat 22:45-də 4 nəfər (1 kişi, 3 qadın) Şəki Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:

"Pasiyentlərə bədənin müxtəlif nahiyələrinin travmaları diaqnozları təyin olunub və zəruri tibbi xidmətlər göstərilib.

Vəziyyətləri stabil qiymətləndirilən şəxslər ambulator müalicə üçün evə buraxılıblar".

***09:48

Şəkidə yol-nəqliyyat hadisəsi baş verib.

Avtosfer.az qafqazinfo-ya istinadən xəbər verir ki, hadisə şəhərin M.Ə.Rəsulzadə prospektində qeydə alınıb.

Belə ki, hərəkətdə olan “Toyota” və “VAZ-2107” markalı iki minik avtomobilləri toqquşub.

Nəticədə avtomobillərdən birində olan bir ailənin dörd üzvü xəsarət alaraq, Şəki Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.