Şəmkirdə “06" ilə "Mitsubishi" toqquşub, ölən və yaralananlar var - ADLAR - FOTO

Şəmkirdə ölümlə nəticələnən ağır yol-nəqliyyat hadisəsi baş verib. Avtosfer.az-ın məlumatına görə, hadisə Şəmkir-Gədəbəy yolunun rayon ərazisindən keçən hissəsində qeydə alınıb.

Belə ki, hərəkətdə olan "VAZ-2106" ilə "Mitsubishi" markalı minik maşınları toqquşub. Qəza nəticəsində Gədəbəy rayon sakinləri 2006-cı il təvəllüdlü K. Səlimov, 1988-ci il təvəllüdlü A. Vəliyeva, 1960-cı il təvəllüdlü N. Səlimova və Şəmkir rayon sakini 1959-cu il təvəllüdlü T. Qocayeva xəsarət alaraq xəstəxanaya yerləşdiriliblər.  Onlara ilkin tibbi yardım göstərilib, müalicələri davam etdirilir. 73 yaşlı yaralı F.Məmmədovun həyatını xilas etmək mümkün olmayıb. Hadisə yerinə polis əməkdaşları cəlb edilib. Faktla bağlı araşdırma aparılır.