Şəmkirdə "Mitsubishi" aşdı, 4 nəfər xəsarət aldı - YENİLƏNİB

Şəmkirdə minik avtomobilinin aşması nəticəsində xəsarət alanlardan 4 nəfər vəziyyətləri ağır olduğundan Gəncə şəhərinə aparılıb.

Avtosfer.az apa-ya istinadən xəbər verir ki, xəsarət alanlar Gəncə şəhərində yerləşən xəstəxanalardan birinə yerləşdirilib. 

Bunlar, 1971-ci il təvəllüdlü Z.Məmmədov, 1972-ci il təvəllüdlü G.Yolçuyev,1983-cü il təvəllüdlü N.Səfərov və 1979-cu il təvəllüdlü E.Süleymanovdur.

***23:48, 1 iyun

Şəmkirdə yol-nəqliyyat hadisəsi baş verib.

Avtosfer.az-ın APA-ya istinadən məlumatına görə hadisə rayon ərazisində qeydə alınıb.

Belə ki, hərəkətdə olan "Mitsubishi" markalı minik avtomobili idarəetmədən çıxaraq dərəyə aşıb.

Qəza nəticəsində minik avtomobili deformasiyaya uğrayıb və dərhal əraziyə FHN-nın xilasediciləri cəlb olunub.

Avtomobildə sıxılmış vəziyyətdə olan bir neçə nəfər çıxarılaraq xəstəxanaya aparılıb.

Hadisə yerində polis əməkdaşları cəlb olunub. Faktla bağlı araşdırma aparılır.