Şəmkirdə yük maşını qəzaya düşdü: ölən var

Şəmkirdə ölümlə nəticələn ağır yol qəzası baş verib. ONA-nın məlumatına görə, hadisə rayonun “Kraz” yolu adlanan ərazidə qeydə alınıb. 57 yaşlı Eldəniz Arifli idarə etdiyi betonqarışdıran yük maşını ilə hərəkətdə olarkən idarə etməni itirib. Nəticədə yük maşını aşıb. Hadisə yerinə Fövqəladə Hallar Nazirliyinin xilasediciləri cəlb olunub. Xilasedicilər sürücün sıxılmış vəziyyətdə qalan meyitini çıxardaraq aidiyyəti üzrə təhvil veriblər.

Faktla bağlı araşdırma aparılır.