Sərnişin avtobusu 100 metrlik hündürlükdən uçuruma aşdı: 11 ölü, 10 yaralı

Boliviyada sərnişin daşıyan avtobus dağ yolunda təxminə 100 metrlik hündürlükdən uçuruma yuvarlanıb.

Avtosfer.az “RİA Novosti”yə istinadən xəbər verir ki, hadisə aprelin 21-dən 22-nə keçən gecə qeydə alınıb. Avtobus La Pas-Karanavi marşrutu üzrə hərəkət edirmiş.

Nəticədə 11 nəfər ölüb, 10 nəfər isə xəsarət alıb, bu barədə ABİ agentliyi yerli polisə istinadən məlumat yayıb.

Qəzanın baş vermə səbəbləri araşdırılır.

Namiq