Sərnişin avtobusu aşdı: 2 ölü, üçü ağır olmaqla 21 yaralı - FOTO

İstanbulda sürücünün idarəetməsindən çıxan sərnişin avtobusu aşıb.

Avtosfer.az Türkiyə mətbuatına istinadən xəbər verir ki, qəza nəticəsində 2 nəfər ölüb, 3-ü ağır olmaqla 21 nəfər xəsarət alıb.

Dərhal qəza yerinə 112, polis və xilasetmə əməkdaşları cəlb olunub.

Hadisə yerinə gələn əməkdaşlar aşan avtobusda olan sərnişinlərə ilkin tibbi yardım göstərib. Yaralılardan 2 nəfəri yolda həkimlərin müdaxiləsinə rəğmən həyatlarını xilas etmək mümkün olmayıb. Qalan 3-ü ağır olmaqla 21 nəfər şəhərin müxtəlif xəstəxanalarına yerləşdirilib.

Yerdə hərəkətsiz vəziyyətdə qalan it isə diqqət çəkib. Sürücünün iti vurmamaq üçün qəza törətməsi də ehtimallar arasındadır.

Polis qəza ilə bağlı araşdırmalara başlayıb.

Namiq