Sərnişin avtobusu avtomobilə çırpıldı: 3 ölü, 2 yaralı - FOTO

Türkiyənin Adana vilayətində sərnişin avtobusu, yolda istiqamət dəyişdirib manevr edən avtomobilə çırpılıb. Avtosfer.az Türkiyə mətbuatına istinadən xəbər verir ki, qəzada eyni ailədən  biri hamilə, biri uşaq olan 3 nəfər ölüb, 2 nəfər isə xəsarət alıb.

Avtobusda olan tibb əməkdaşı qadın yaralılara ilkin tibbi yardım göstərib.

Yaralılar hadisə yerinə gələn Təcili Tibbi Yardım maşınları ilə xəstəxanaya aparılıblar.

Qəzada vəfat edən hamilə qadının bətnindəki uşağın yaşadığı da məlum olub.

Polis qəza ilə bağlı araşdırmalara başlayıb.

Namiq