Sərnişin avtobusu tıra çırpıldı, 12 nəfər yaralandı

Türkiyənin Sakarya şəhərində ağır yol qəzası baş verib.

Avtosfer.az "TRT Haber"ə istinadən xəbər verir ki, İstanbuldan Denizliyə gedən sərnişin avtobusu Sakaryanın Pamukova rayonunda tıra çırpılıb.

Qəza nəticəsində 12 nəfər xəsarət alıb. Əraziyə təcili yardım, xilasetmə və jandarma qrupları cəlb edilib.

Qəza nəticəsində avtomobildə sıxışan şəxslər xilasetmə qrupları tərəfindən çıxarılıb.

Yaralılar ilkin tibbi yardım göstərildikdən sonra şəhərdəki xəstəxanalara aparılıb.

Tək zolaqda təmin edilən nəqliyyat vasitələrinin çıxarılmasından sonra hərəkət normallaşıb.

Digər tərəfdən avtobusda olan digər sərnişinlər bir müddət yanacaqdoldurma məntəqəsində gözləyiblər.