Sərxoş sürücü avtomobilini qaldırıcı krana çırpıb – FOTO

Sabunçu rayonunda yol-nəqliyyat hadisəsi zamanı bir nəfər xəsarət alıb. Avtosfer.az-ın ONA-ya istinadən məlumatına görə, hadisə Bakıxanov qəsəbəsi, Dadaş Bünyadov küçəsində baş verib. Belə ki, “BMW” markalı avtomobilin sürücüsü idarəetməni itirib. Nəticədə nəqliyyat vasitəsi yol kənarında hərəkətsiz vəziyyətdə dayanan qaldırıcı krana çırpılıb. Sürücü yüngül bədən xəsarətləri alıb. Avtomobil isə deformasiyaya uğrayıb.

Hadisə şahidlərinin verdiyi məlumata görə, sürücü sərxoş vəziyyətdə olub və hadisə yerindən uzaqlaşıb.

Baş vermiş qəza ilə əlaqədar qəza yerinə hüquq mühafizə orqanının  əməkdaşları cəlb edilib.